دانیاڵ پێغەمبەر دەفەرمێ: باڵنگ هەرچەندە بە ڕواڵەت زەردە، بەڵام بۆنێکی خۆشی هەیە و بە تام و ڕەنگ خاوێنە و دەڵێن یەکێکە لە میوەکانی بەهەشت و بینینی لە خەودا، باشە.
دانیاڵ پێغەمبەر دەفەرمێ: ئەگەر یەکێ، لە خەودا دوو یان سێ باڵنگی دیت لێکدانەوەی واتای منداڵ دەبەخشێ.
ئەگەر زیاتری بینی، ئەوا پارە و ڕزق و ڕۆزی حەڵاڵ پەیدا دەکات و بینینی بارونەی سەوز باشترە لە بارونەی زەرد.
ئیبراهیمی کرمانی دەڵێ: باڵنگ لە خەودا، پیاوێکی دەوڵەمەند و قۆزە و لە خەڵکەوە ئەوەندە نێزیکە کە هەموو خۆشیان دەوێ.
ئەگەر دیتی بارونەی هەیە، یان کەسێک پێیدا، واتە لەگەڵ کەسێکی ئاواهیدا قسان دەکات.
ئەگەر باڵنگی لە کارەکەی خۆیدا دیت، واتە منداڵێکی ڕووخۆش و زمان لووسی دەبێت.
ئەگەر بینی باڵنگی شاردەوە و لە شتێکی ئاڵاند، ئەوا منداڵەکەی دەمرێت.
ئەگەر بینی باڵنگی زۆری هەبوون لە ماڵدا و بەکەسێکی بەخشین، واتە کاریکی چاکە بۆ کەسێک ئەنجام دەدات.
ئەگەر بینی باڵنگی خستە ناو قۆڵەکانیەوە، واتە منداڵێکی لە کەنیزەک دەبێت.
ئیمام جەعفەری سادق دەفەرمێ: بینینی باڵنگ لە خەودا، چوار واتای هەیە:
یەکەم: ژنی خاوێن. دووەم: کەنیزەکی ڕەوشت پاک و ئایین پەروەر. سێیەم: هاورێی دەوڵەمەند. چوارەم: منداڵی ساڵحە.