کاتێ کە مێرد ئاوێزانی (جووت بوونی) لە گەڵ ژندا کرد، تامی ئاوەکەی دەچێتە ناو گشت شادەمار و ئەندامەکانی.
غەریزە واتە ئارەزووی جنسی بە هۆی کارێکی تایبەتییەوە کە لە ڕێگەی فیترەتەوە ئەنجام دەدرێت و بەبێ ئەوەی کە ئەو هەستە لەمەوپێش دەستەمۆ کرابێت، بۆ نموونە مژینی مەمکی دایک لە لایەن منداڵەوە کردارێکی جنسییە.
(ئەم بیردۆزە فرۆیدییە لە ڕۆانگەی ئیسلامەوە بە چەند بەڵگەیەکی ژیری و زانستی بەپەرچ دراوەتەوە)، (١) (٥)، هێلانە دروست کردنی پەلەوەر، هەوڵ و کۆششی مێش هەنگوین و تەنینی تاڵ لە لایەن جاڵجاڵۆکەوە، کرداری غەریزەی جنسین.
غەریزە یان پاڵنەری جنسی لەوانەیە لە لای هەر کەسێک واتایەک ببەخشێ و بۆ مەبەستێک ئەنجام بدرێ، بەڵام هەموو ئەو مەبەست و مەرامانەش لە دوای چێژ وەرگرتن و هاوخەوی دەبێت لەگەڵ ڕەگەزی پێچەوانەدا، واتە ئامانجەکە چێژ وەرگرتنە بۆ مەبەستێکی تایبەت کە بە گشتی لە دوو ئامانجدا چڕ دەبێتەوە.
گرنگترین غەریزەکانی مرۆڤ بریتین لە دوو شت:
یەکەم: غەریزەی مانەوەی بوونی خۆی.
دووەم: مانەوە و زۆربوونی ڕەچەڵەک.
واتە هەر کەس یەکەم جار خۆی خۆش دەوێت و دەیەوێت زیندوو بمێنێتەوە ئینجا پێی خۆشە هاو وێنەی زۆر کات و لە وەچەی خۆی داکەوێتەوە.
بۆ ئەنجامدانی ئەو دوو غەریزەی سەرەوە مرۆڤ پێویستی بە دوو شتە:
یەکەم: بۆ مانەوەی غەریزەی بوونی خۆی پێویستی بە خواردن هەیە.
دووەم: چونکە غەریزەی جنسی هەیە پێی خۆشە لەگەڵ ڕەگەزی پێچەوانەی خۆی کۆبێتەوە و وەچەی نوێ بنێتەوە.
مرۆڤی (نیر و مێ) هەر کاتێ غەریزەی جنسی ڕازی بکات دەست بە چێژی تایبەتی دەکات کە ئەوەش هۆیەکی سەرەکییە بۆ دەستەمۆبوونی ڕەگەزی پێچەوانە کە ژنە چونکە کاتێ کە مێرد ئاوێزانی (جووت بوونی) لە گەڵ ژندا کرد، تامی ئاوەکەی دەچێتە ناو گشت شادەمار و ئەندامەکانی، لەبەر ئەوە غەریزەی جنسی یان شەهوەت کە بە زراوە زانستییەکی (لیبیدۆ)ی پێ دەڵێن هەمان هێزە کە دوو گیانداری نێر و مێ بۆ لای یەکدی ڕادەکێشێ.
غەریزەی جنسی لە ڕاستیدا بە هۆی هۆڕمۆنەکانی نێر و مێەوە (سپرێم و توخم-تۆو)ەوە پەیدا دەبێت، لە بەر ئەوە مەیلی جنسی لە لاویدا لە ژنان و پیاو بە توندی دەردەکەوێ، بەڵام لە پیریدا تەنها لە ڕەگەزی پیاودا دەمێنێتەوە و لە ڕەگەزی ژندا لاواز دەبێت و وردە وردە لەناو دەچێت.
(١) بڕوانە کتێبی فرۆید لە تەرازوی ژیریدا، نووسینی محەممەد مەلا سالح شارەزووری.